"Балалар әдебиетін қолдау жылы"

Бүгін мектебімізде "Балалар әдебиетін қолдау жылы" шарасының ашылу салтанаты болып өтті. Аталмыш шараға ҚР мәдениет қайраткері, Халықаралық "Алаш"сыйлығының иегері, балалар әдебиетінің жазушысы Толымбек Әбдірайым қатысты.Қарымды қаламгер сұхбат барысында балалар әдебиетіне қалай келгенін, шығармашылық жолында шоқтығы биік Оралхан Бөкейдей классиктермен бірге жұмыс жасағанын әңгімелеп берді.Сондай-ақ, жазушы өзінің жазған кітаптары жайлы айта кеп, мектепке сыйлыққа өз кітабын сыйлады.Сұхбат барысында жазушы ағамыз балаларға кітап оқудың қаншалықты пайдасы бар екенін кеңінен түсіндіріп, өмірден мысалдар келтірді.Шара барысында оқушылар ән айтып, би билеп, өлең -жырды нақышына келтіре орындады.Сонымен қатар, шәкірттеріміз өзін -өзі басқару ұйымы атынан қаламгерге өз сыйлықтарын табыстады.