Ауған асуында от кешкен ардагермен кездесу

Жуырда,Қаражар ауылының орта мектебінде, «Ауған соғысында от кешкендер» деген тақырыпта іс-шара өтті. Бұл шара Кеңес әскерінің Ауған жерінен шығарылғанына 30 жыл толуына орай ұйымдастырылған еді.Осы іс-шараға арнайы ауған соғысының ардагері, «Қазақстан ардагерлері» қауымдастығы төрағасының бірінші орынбасары, «КСРО «Ерлік үшін» медалінің иегері Елубаев Қайрат Меңдібайұлы келіп қатысты. Шара Ауған жерінде мерт болған сарбаздарымызды бір сәт үнсіздікпен еске алу рәсімінен басталды.Ардагер ағамыз өзінің басынан кешкен оқиғаларымен бөлісіп, соғыстың қалай болғанын айтса, мектеп оқушылары өздерінің көкейтесті сұрақтарын қойып, айтқан әңгімесін ұйып тыңдады.Бізге ән арнап, кейіннен өнерлі оқушылардың өнерін тамашалады.   Бұл Ауған соғысының 30 жылдығының қарсаңында өткен іс-шара мәңгілік есте қалардай керемет әсер қалдырды. Біз осындай ерлікпен ел намысын қорғана ағаларымыздан бұл шарада өнеге алып қайттық

Хызырхан Жанерке